سرچينې زياته کړې، چې د تورخم دروازه له درېيو ورځو تړل کېدو وروسته نن سهار شاوخوا اووه بجې د مسافرو پر مخ پرانيستل شوه.

د افغان سرې میاشتې ټولنې د دې ټولنې او د قطر د سرې میاشتې تر منځ د یوه تفاهم لیک د لاسلیک اعلان وکړ، چې له مخې به یې په دغه هېواد کې د زړه په سوري ناروغۍ اخته ۱۶۹ ماشومانو درملنه وشي.

د کډوالو او راستنیدونکو چارو وزارت په تیرو دوو ورځو کې له پاکستان څخه د ۹۵۴ افغانانو د ایستلو خبر ورکړی دی.

په داسې حال کې چې د روسيې د بهرنيو چارو وزارت له دې مخکې د بغلان ولايت له سېلاب ځپلو سره د بشري مرستو د رسولو په برخه کې خپل چمتووالى ښودلى و، د دغه هېواد د بشري مرستو يوه جوپه د پنجشنبې په سهار د ثور په ٢٧مه له ...

د بدخشان سیمه ییزو چارواکو د دغه ولایت په ارگو، کشم، تشکان، درایم، یفتل، جرم، خاش او شهربزرگ ولسوالیو کې د ۴۰ زره جریبه ځمکه د کوکنارو له کښت څخه د پاکولو اعلان کړی دی.

د کډوالو د ستونزو د هواري عالي کمیسیون تیره ورځ له پاکستان او ایران څخه د ۳۵۷ کورنیو د راستنیدو خبر ورکړ او ویې ویل چې اسلامي امارت هغوی ته په کمپونو کې موقتي استوګنځایونه ورکړي او مرسته ورسره کړي ده.

د پوهنې وزارت چارواکي د دايکنډي ولايت په ميرامور ولسوالۍ کې د يوه نوي ښوونځي د پرانېستلو خبر ورکوي او وايي، چې د دغه ښوونځي پر جوړېدو يو ميليون او پنځه سوه زره افغانۍ لګښت راغلى دى.

د رئیس الوزرا د دفتر اقتصادي مرستیال وايي چې ملا عبدالغني برادر د بغلان د علماو شورا له غړو سره په کتنه کې وویل چې اسلامي امارت مسوولیت لري چې په هر ډول حالاتو کې د افغانستان د خلکو ملاتړ وکړي.

د هرات ولایت د احمدشاه فقیري خیریه بنسټ له لوري د بغلان ولایت سیلاب ځپلو خلکو ته د خوراکي او غیر خوراکي توکو په ګډون د اړینو مرستو یو کاروان واستول شو.

د عامې روغتیا وزارت چارواکو بغلان ولایت ته د خپل سفر په ترڅ کې د "CHC" روغتیايي مرکز ته د دغه وزارت د سرپرست وزیر د سفر په اړه معلومات ورکړل او ویې ویل، چې د بغلان د سیلابونو د ټپیانو پر روغتیايي وضعیت ته په پاملرنې ...

د افغانستان د شیعه علماوو سرتاسري شورا په بغلان کې د سېلابونو د ویجاړېدو په غبرګون کې له ټولو مؤمنانو، خیریه بنسټونو او د تقلید له چارواکو او سرپرست حکومت څخه غوښتي چې ژر تر ژره له زیانمنو شویو سره مرسته وکړي. ...

د کډوالو او راستنیدونکو چارو وزارت تیره ورځ (یکشنبه) له پاکستان څخه د څه باندې ۳۰۰ کډوالو د جبري شړلو اعلان وکړ.